|
|
|
|
聽講上早前四九庄王爺廟保安宮佇茶亭時代，落難孤單無啥人去參拜，廟底破破爛爛。有一介 過年暝，一個羅漢腳仔叫做吳仔建，去廟裡看到王爺公與伊同款，無人來與伊團員過年，悲從 中來，哭𠒇真淒慘。吳仔建彼瞑就決定，欲佇王爺廟，陪伴王爺公，守歲過暝。睏夢中王爺公 來與伊託夢：「暝仔載，汝若去卜儌，我保庇汝贏」。天光日，正月初一，吳仔建真正去儌 場，王爺公化身做一隻金蠅，指點吳仔建贏儌。果然吳仔建連續贏，贏到誠濟錢。消息傳開， 逐家攏知影，吳仔建受到王爺公兮置蔭，才會當贏赫濟錢。吳仔建除了家己「學」大片田地以 外，擱重新來裝修新廟，回饋王爺公。自此庄頭人就開始較關心王爺廟，王爺廟香火開始興 旺。以後鄉土流傳，若無彼落福分，就互相消遣「汝毋是王爺公，我毋是吳仔建」。表示我無 法度置蔭汝，汝亦毋免感謝我，逐家攏無相欠數。 © 2012∼2013 嘉義和睦國小 |
|
