氓 之 蚩 蚩 ． 抱 布 貿 絲 ． 匪 來 貿 絲 ． 來 即 我 謀 ．
送 子 涉 淇 ． 至 于 頓 丘 ． 匪 我 愆 期 ． 子 無 良 媒 ．
將 子 無 怒 ． 秋 以 為 期 ．　

乘 彼 垝 垣 ． 以 望 復 關 ． 不 見 復 關 ．泣 涕 漣 漣 ．
既 見 復 關 ． 載 笑 載 言 ． 爾 卜 爾 筮 ．體 無 咎 言 ．
以 爾 車 來 ． 以 我 賄 遷 ．

桑 之 未 落 ． 其 葉 沃 若 ． 于 嗟 鳩 兮 ． 無 食 桑 葚 ．
于 嗟 女 兮 ． 無 與 士 耽 ． 士 之 耽 兮 ． 猶 可 說 也 ．
女 之 耽 兮 ． 不 可 說 也 ．

桑 之 落 矣 ． 其 黃 而 隕 ． 自 我 徂 爾 ． 三 歲 食 貧 ．
淇 水 湯 湯 ． 漸 車 帷 裳 ． 女 也 不 爽 ． 士 貳 其 行 ．
士 也 罔 極 ． 二 三 其 德 ．
　
三 歲 為 婦 ． 靡 室 勞 矣 ． 夙 興 夜 寐 ． 靡 有 朝 矣 ．
言 既 遂 矣 ． 至 于 暴 矣 ． 兄 弟 不 知 ． 咥 其 笑 矣 ．
靜 言 思 之 ． 躬 自 悼 矣 ．

及 爾 偕 老 ． 老 使 我 怨 ． 淇 則 有 岸 ． 隰 則 有 泮 ．
總 角 之 宴 ． 言 笑 晏 晏 ． 信 誓 旦 旦 ． 不 思 其 反 ．
反 是 不 思 ． 亦 已 焉 哉 ． 　　　　　　　　　　　　　　　－－ｔｏｐ－－

蒹葭《秦風》
　　詩經中抒情詩的代表作 　 　　 　 　 　 　　 　 　 　

蒹 葭 蒼 蒼 ． 白 露 為 霜 ． 所 謂 伊 人 ． 在 水 一 方 ．
溯 洄 從 之 ． 道 阻 且 長 ．
溯 游 從 之 ． 宛 在 水 中 央 ．

蒹 葭 萋 萋 ． 白 露 未 晞 ． 所 謂 伊 人 ． 在 水 之 湄 ．
溯 洄 從 之 ． 道 阻 且 躋 ．
溯 游 從 之 ． 宛 在 水 中 坻 ．

蒹 葭 采 采 ． 白 露 未 己 ． 所 謂 伊 人 ． 在 水 之 涘 ．
溯 洄 從 之 ． 道 阻 且 右 ．
溯 游 從 之 ． 宛 在 水 中 沚 ．　　　　　　　　　　　　　　　－－ｔｏｐ－－

七月《幽風》
　　十五國風中第一長詩，描寫農民四時生活生動詳備

七 月 流 火 ． 九 月 授 衣 ． 一 之 日 觱 發 ．
二 之 日 栗 烈 ． 無 衣 無 褐 ． 何 以 卒 歲 ．
三 之 日 于 耜 ． 四 之 日 舉 趾 ． 同 我 婦 子 ．
饁 彼 南 畝 ． 田 畯 至 喜 ．
　
七 月 流 火 ． 九 月 授 衣 ． 春 日 載 陽 ． 有 鳴 倉 庚 ．
女 執 懿 筐 ． 遵 彼 微 行 ． 爰 求 柔 桑 ． 春 日 遲 遲 ．
采 蘩 祁 祁 ． 女 心 傷 悲 ． 殆 及 公 子 同 歸 ．

七 月 流 火 ． 八 月 萑 葦 ． 蠶 月 條 桑 ． 取 彼 斧 斨 ．
以 伐 遠 揚 ． 猗 彼 女 桑 ．
七 月 鳴 鵙 ． 八 月 載 績 ． 載 玄 載 黃 ． 我 朱 孔 陽 ．
為 公 子 裳 ．　

四 月 秀 葽 ． 五 月 鳴 蜩 ． 八 月 其 穫 ． 十 月 隕 蘀 ．
一 之 日 于 貉 ． 取 彼 狐 貍 ． 為 公 子 裘 ．
二 之 日 其 同 ． 載 纘 武 功 ． 言 私 其 豵 ．
獻 豜 于 公 ．

五 月 斯 螽 動 股 ． 六 月 莎 雞 振 羽 ．七 月 在 野 ．
八 月 在 宇 ． 九 月 在 戶 ． 十 月 蟋 蟀 入 我 床 下 ．
穹 窒 熏 鼠 ． 塞 向 墐 戶 ． 嗟 我 婦 子 ．
曰 為 改 歲 ． 入 此 室 處 ．

六 月 食 鬱 及 薁 ． 七 月 亨 葵 及 菽 ． 八 月 剝 棗 ．
十 月 穫 稻 ． 為 此 春 酒 ． 以 介 眉 壽 ． 七 月 食 瓜 ．
八 月 斷 壺 ． 九 月 叔 苴 ． 采 荼 薪 樗 ． 食 我 農 夫 ．
　
九 月 築 場 圃 ． 十 月 納 禾 稼 ． 黍 稷 重 穋 ．
禾 麻 菽 麥 ． 嗟 我 農 夫 ． 我 稼 既 同 ．
上 入 執 宮 功 ． 晝 爾 于 茅 ． 宵 爾 索 綯 ．
亟 其 乘 屋 ． 其 始 播 百 穀 ．
　
二 之 日 鑿 冰 沖 沖 ． 三 之 日 納 于 凌 陰 ．
四 之 日 其 蚤 ． 獻 羔 祭 韭 ． 九 月 肅 霜 ．
十 月 滌 場 ． 朋 酒 斯 饗 ． 曰 殺 羔 羊 ． 躋 彼 公 堂 ．
稱 彼 兕 觥 ． 萬 壽 無 疆 ．　　　　　　　　　　　　　　　－－ｔｏｐ－－

參 差 荇 菜 ． 左 右 流 之 ． 窈 窕 淑 女 ． 寤 寐 求 之 ．

求 之 不 得 ． 寤 寐 思 服 ． 悠 哉 悠 哉 ． 輾 轉 反 側 ．

參 差 荇 菜 ． 左 右 采 之 ． 窈 窕 淑 女 ． 琴 瑟 友 之 ．

參 差 荇 菜 ． 左 右 芼 之 ． 窈 窕 淑 女 ． 鍾 鼓 樂 之 ．
　　　　　　　　　　　　　　　　　　　　　　　　　－－ｔｏｐ－－