娘親度子苦難當　艱難辛苦恩該娘

　　含小吃娘心上血　樣得長大報爺娘

　　想起度子苦了難　可比石壁一般般

　　世間幾多不孝子　養大成人沒加增

　　娘親度子苦難當　艱難辛苦恩該娘

　　三朝七日沒奶食　朝朝夜夜要飼養

　　阿姆該肚使大　行路郎傍又郎傍

　　坐得高來驚怕要倒麥轉　坐得矮來驚怕會內傷

　　燒該唔敢吃　冷該唔敢嘗　十月懷胎娘辛苦

　　子兒要下世　阿姆該肚使痛

　　真像利刃來割肚　可比利剪來剪腸

　　嘴上該鐵釘處咬得斷　腳穿皮鞋踢得穿

　　天上沒門想要上　地下沒門想要鑽

　　有福之人來共子　得人該雞酒香

　　沒福之人來共子　得人該四塊板

　　阿姆來共子　可比蟻公遊鍋壁

　　遊得過恩該貨　遊唔過阿姆性命會見閻王

　　子兒來下世　點點吃娘身上心頭血

　　一日食娘三合水　三日食娘九合漿

　　篤到屋下子嫂多　也係手腳少

　　又要柴又要草　又要蕃薯豬茉轉家堂

　　揹籃挑等處上山崗　將子背等在背囊

　　一山過一山　一往過一往

　　尋有豬茉蕃薯籃子裝　尋得拉　挑等處轉家堂

　　轉到半路上　聽到幼子哭洋洋

　　阿姆解下來在手上　奶子扁開奔子吃

　　奔子嘗奶來吃飽　子兒孝洋洋

　　子來笑娘來笑　子娘抱得笑一場

　　奶子來吃飽　蕃薯豬茉挑等轉家堂

　　轉到屋下糞隔屎　?到阿姆一背囊

　　阿姆驚子來寒壞　快快攬等入間房

　　第一處先換子　在來後換娘

　　衫褲裙子來換好　阿姆寬得到河崗

　　河壩慢慢洗　水溝慢慢湯

　　湯得衫褲裙子淨　方過阿姆十個手子簍

　　洗到血洋洋　衫褲裙子來洗好

　　寬得轉家堂　轉到屋下　壁子慢慢披竹高慢慢掠

　　掠得衫褲裙子好　阿姆該肚使餓到變背囊

　　添到一碗飯子想要食　又聽幼子哭洋洋

　　左手牽子要來拐　右手牽子要來騙

　　騙得該子兒停　阿唔該碗飯冷到霜

　　冷菜冷飯落阿姆肚　阿姆冷肚介冷腸

　　共子唔知娘辛苦　共女正知娘難當

　　爺娘想子長江水　子想爹娘沒介擔竿長

　　不信單獨該長江水　流下處沒流上

　　總係大家要做該人子女　大家要做人爺娘

　　堂下羔椅輪來坐　富貴輪流當

　　再生割了半斤豬肉落娘肚　當過門前拜該大豬洋

　　門前該果子便便有　又日默沒看阿姆轉來嚐

　　共到該有孝子　阿姆處有目的

　　共得該不孝子　網會該阿姆養一場

　　再來奉勸世間人為細子　要孝心

　　為人子兒唔行孝　莫來世間來做人