種樹仔

種樹仔，有福報，
你一欉啊我一欉，
欉欉攏是寶。
樹仔濟，空氣好。
環境變清幽，
大水免煩惱，
景緻人人都呵咾！
種樹仔，人人好，
你一欉啊我一欉，
欉欉攏是寶。
樹仔濟，項項好，
毋驚風飛沙，飲水免驚無，
食穿嘛有通靠。
來啊，來啊，種落去，
你一欉啊我一欉，
欉欉攏是寶，
一寶變百寶，
你好我嘛好。
來啦，種落去，
種樹仔，有福報！