主旨 3

蕭見文老師

....訪問了見文老師客語編輯心得才知道他很用心！

....他說一、感謝政府重視鄉土語言介價值跟保存，由教育部制定「九年一貫課程」，本市教育為到推廣新課程，特別交代本校「莊敬國小」，成立「客家話教學資源中心」，負責編寫教材、師資的訓練、開發並提供教學介資源等等事情。

....本人盡歡喜也盡光榮，做得參加教材編寫介事頭，同簡秀治主任、鍾麗美先生學習蓋多。今分日，也係【伊等】（ㄧㄢ）倆儕阿姐客氣，老弟才有機會在這演講。一下，就同大家簡單報告本人一細經驗，分各位先生做參考。

二、編寫教材介過程
1、選題目
除了擇自家有興趣介，資料好尋介，有經驗過介，過了解介題目來發揮。也愛考慮教學介目的，所以一套好介客家話教學課程，最好包含富有客家人文特色介歷史、地理、生活、健康、飲食、文學等各方面介題材。

2、尋資料
最簡單方便介方法就係用電腦連線。襯採用一介「入門網
站」，打入有關係介詞，馬上就有盡多資料。嘛做得看書，請教入家介大人儕，也係有相識介老人家。恁呢主要愛對題目有過多正確介了解，有利於教材介編寫。

3、寫麼介？
「資料尋上尋下，還要經過頭顱毛底下。」
因為資料盡多，但是有限制愛寫幾多隻字，所以愛選擇重要介、簡單介、清楚介部分來寫。

4、樣介寫？
針對學生介年紀、程度，先限制文章介字數，再看ㄍㄚ˙意用哪記敘文、說明文、應用文、韻文來寫。
一、二年生介教材，都適合用字數少介韻文，分【伊等】（ㄧㄢ）好讀、好學、好背。三年生以上介教材，漸漸愛增加內容介長度，跟樣式介變化。
唔管用哪種方式，最好愛對學生介立場出發，比如「禮拜日」、「中秋節介暗晡」，捱就用小學生寫日記介方式來寫，按仔（ㄋㄟ）分學生仔過好了解。再來，一定愛用客家話去思考，去創作，唔管恁係奈耶客家人，就用阿爸阿姆在入家教捱等介話來寫，切對唔好用國語轉客話，係沒會寫到不搭不七，變成「國語客」，按呢就唔像樣ㄝ。
堵到唔曉得寫介字，麼唔啪，就先用轉做「注音」來表示，下擺才來翻字典，也係請教別人，反正先寫得出文章，才考慮用字介問題。

5、修文章
請別人批評指教自家介文章，看有沒意思唔清楚介地方，有沒寫差介字，再做整理。

6、樣介教？
捱等編輯小組採用最簡單介方式設計教學活動。一課分做三節來設計，每一節課又分做「準備」、「發展」、「綜合」三介活動來進行，每一節課都先安主要教學活動介名稱，前兩節課主要還係本文、新詞、句型介認識跟了解，共時盡量變化各種比賽介活動來練習，提高學生學習介興趣。第三節課，就設計一細創作性介活動，像畫圖、做戲、唱歌、搞兜鮮趣介比賽等等，分學生去發揮。

三、好用介參考書

1、「台灣客家風土誌」	劉還月編著常民文化出版
2、「客家常用白話語文字音500句（搭兩塊CD）」	廖金明編著六堆風雲雜誌社出版
3、「客家鄉土地方文學研究」	廖金明編著六堆風雲雜誌社出版
4、「客家語諺語、歇後語選集」	李盛發編著安可出版社
5、「客語辭典」	徐運德編著台灣客家中原週刊社出版
6、「台灣客家話字典」	徐兆泉編著

四、對客家話教材兩點看法
1、客家話愛對學校教轉去家庭，對家庭轉轉來社區
雖然本校同事盡煞猛，發展客家話介教材、唱片，但是唔
知係印到太好，價事太高ㄇㄝ，驚家長出錢唔爽快，所以同鄉土教材同樣，淨（ㄑㄧㄤ）做得在學校上課使用，做唔得分學生帶轉去入家。

這種作法，實在半爛ㄘㄞ，沒彩人去發展教材。但是「山唔轉路轉，路唔轉人轉」，捱在這拜託在座各位先生，鼓勵學生帶課本轉去唸分大人儕聽，分家長了解伊介子弟，學了（ㄝ）哪兜客家話，定著會引起一細迴響，才有可能使客家話在每一個家庭底背，重新成為兩代，也係三代之間介語言，恁奈學校推廣客家話介目的，才算成功。

2、大家來講客家話，大家來寫客家文
這最近兩、三年，教育局都會舉辦「鄉土語言教學設計比賽」，其實各位先進前輩，一定都會講盡好聽介客家話，不妨自家試編教材，來豐富客話教學介資源。
捱也希望本校介電腦網站，有一介創作發表的地方，分大家共下來欣賞、鬥鬧熱。

五、尾話
感謝大家的捧場，聽捱介廢話。因為捱淨負責編寫教材，實際上，沒親身教過，唔知係唔係好用，請大家多多指教，有麼該問題，做得講出來，共下討論參考。承蒙恁！

六、附註
1、捱：應寫做「」。
2、介：應寫做「」。
我覺得見文老師寫的棒級了！

[首頁][前言][教育][信仰]